حسن شاكوش يرد على اعتذار طليقته ريم طارق.. ماذا قال؟!
ردّ مؤدي المهرجانات الشعبية الشهير، حسن شاكوش، بكلمات مؤثرة على اعتذار طليقته ريم طارق، بعد إعلانها انتهاء الأزمة وحصولها على حقوقها الشرعية بعد الانفصال بينهما.
وفي فيديو نشره حسن شاكوش عبر وسائل التواصل الاجتماعي، ظهرت طليقته ريم طارق وهي تعبر عن امتنانها وسعادتها بالتسوية التي تمت بينهما.
وقالت ريم: “الحمد لله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب”.
بدوره، قام حسن شاكوش بالرد على كلمات طليقته بكلمات مليئة بالتقدير والمحبة.
وقال حسن: “أنا أولا بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا”.
وأضاف حسن شاكوش: “مع إن ده كان مأثر عليّا نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايمًا بخير”.
