قال انه تعرف عليها عند ” باب الكعبة”.. مؤمن زكريا يروي لأول مرة قصة لقاءه بزوجته

كشف مؤمن زكريا، نجم الأهلي والزمالك السابق، لأول مرة عن أنه رأى زوجته أثناء تواجده في العمرة، وتخيل صورتها عند باب الكعبة، رغم أنها لم تكن متواجدة.

وقال مؤمن زكريا خلال استضافته وزوجته ريهام الشيمي في برنامج “صاحبة السعادة”، الذي تقدمه الفنانة إسعاد يونس عبر قناة dmc: “أول مرة أقول الحوار ده، أنا كنت بعمل عمرة لأول مرة، وشوفتها عند باب الكعبة”.

وأضافت زوجة مؤمن زكريا: “هو كان معجب بيا من غير ما أعرف وكنا مع بعض في الجامعة، وفضلنا مش عارفين بعض لحد ما شافني في فرح صاحبه وصاحبتي، فقال له إنه عايز يتعرف عليا، واتعرفنا على بعض وارتحت له وهو كمان”.

وتابعت: “ولا كنت أعرف إنه بيلعب كورة، عرفت بعد ما إتكلمنا، ومكانش ليا في الكورة”.

وعلق مؤمن زكريا قائلا: “في مرة كلمتها يوم الجمعة الصبح وكانت نايمة، وقلتلها أنا رايح أمضي للزمالك، قالتي يعني إيه؟ إن شاء الله ربنا معاك”.

وكشفت زوجة مؤمن زكريا خلال الحلقة عن حملها قائلة: “كذا مرة نروح لدكتور ويقول لنا ما ينفعش الموضوع صعب، وكانوا فاكرين الحمل صعب بسبب حالته، وفعلا في حالات كده، لكن ربنا جبر بخاطرنا، وعملت سونار وإن شاء الله بنوتة، مع إننا قعدنا فترة بعد مالك مكانش في حاجة”.